Description: Ang palayan sa Brgy. Quilo at Brgy. Sabang sa Ibaan, Batangas ay kumakatawan sa isang malawak na taniman ng palay na umaabot sa 26.5 ektarya. Ang lugar ay nahahati sa maliit na mga kwadradong lote na pinaghihiwalay ng mga pilapilan, kung saan ang bawat isa ay may sukat na 4x4 sq.m. Ang mga pilapilan ay hindi lamang nagsisilbing daanan para sa mga magsasaka kundi pati na rin bilang mga kanal na nagkokontrol ng daloy ng tubig mula sa mga kalapit na irigasyon. Ang lupa sa palayan ay pangunahing binubuo ng banlik na mahusay sa pagtatanim ng palay. Sa Quilo, ang palayan ay patag at mayroong sapat na sistema ng irigasyon na sumusuporta sa regular na pagtatanim. Samantala, sa Sabang, bagamat mas malawak, ay bahagyang umaasa sa natural na ulan dahil sa limitadong access sa irigasyon, bagay na nagtutulak sa mga magsasaka na magtanim din ng iba pang mga pananim tulad ng dalanghita at manga sa ilang bahagi.

History Structure: Ang palayan sa Sabang ay hindi lahat taniman ng palay dahil wala itong irigasyon. Ito’y taniman ng dalanghita, manga at marami pang iba. Ayon sa informante, ang kanilang kanununuan, na tinatantyang nabuhay pa noong mga 1901, ay nagsimula ng magtanim at magsimula ng palayan. Noong 1960, ipinagawa ng pamilya Orosa ang irigasyon sa pamamagitan ng pagkuha ng mga manggagawang maghuhukay sa magiging daanan o Bambang ng tubig. Nagpagawa din sila ng Dam sa ilog ng Coliat at mula dito ay nagawa ang irigasyon. Natapos ang irigasyon at dam noong September 1970. Gumawa rin ng tatlong tulay na yar isa kahoy at yero para makarating ang tubig sa Brgy. Sabang mula sa Brgy Coliat. Nagtulungan ang mga magsasaka sa Brgy Sabang upang maisaayos ang daloy ng tubig kasabay ang pagpapantay, paghuhukay at pagpipilapil. Noong 1972, idinaklara ng Dating Pangulong Ferdinand Marcos ang P.D. 27 na sumasakop sa agrarian reform ang palayan ng Orosa kaya mula sa 26 na ektarya ay nagging 12 hektarya na lamang dahil na-award o naibigay sa ibang magsasaka ang ibang bahagi ng lupa.

Stories: Ang palayan sa Brgy. Quilo, na ngayon ay pagmamay-ari ni Gng. Loreta Magnaye matapos itong ipamana ng yumaong si G. Juan Magnaye, ay hindi lamang isang simpleng lupang sakahan. Ito ay sumasalamin sa mayamang kasaysayan at kultura ng pamayanan dito sa Ibaan, Batangas. Si G. Magnaye ay bumili ng lupang ito mula kay Ka “Laya” noong dekada 50 sa halagang hindi lamang sumisimbolo sa monetariyong halaga kundi sa halaga ng kanyang pagsisikap at dedikasyon sa pagsasaka. Naging tanyag ang lugar na ito noong itampok ito sa programang TV Patrol Southern Tagalog, kung saan ipinakita ang tradisyunal na paraan ng pagsasaka gamit ang araro. Ang segment na ito ay nagbigay-diin sa kahalagahan ng pagpapanatili ng mga sinaunang kasanayan sa pagsasaka sa kabila ng modernisasyon.